Ei hakutuloksia.

Teksti Roosa Kämäräinen

Elethään ko pellossa

Pello on kunta Lapissa ja Ruottin puolele jatkuva kylä Tornionjoen molemmin puolin. Kerroin ko et sie kuitenkhaan tienny.

Pellon kunnassa assuupi nytten 3674 asukasta ja yli nelketä prossaa niistä on eläkeläisiä. Arvatenki sielä oli aikoihnaan kohta puolet enempi völjyä (populaa) lähinä joppauksen (Ruottista salakuljettamisen) takia. Silloin harrastethin poikkinaintiaki, elikkä saikathin (värkäthin) väylän (joen) toisen puolen kansen ja kesäsin oli aina poikkinaintirajahäät, jossa toinen oli ruottalainen ja toinen suomalainen. Net olit koko kylän yhteiset juhlat. Enhän ei hellua (seurustelukumppania) löyvy omaltakhan puolelta eikä muutenkhan iloset asiat juurikhan kiinnosta.

 

Pello rakentuupi oikeasthan järvikylistä ja kesämökeistä. Nuorena met ruukathiin käyä joka viikko ryyppäämässä jonku mökilä Kukasjärvelä, Konttajärvelä, Sieppijärvelä, Lankojärvelä, Puolamajärvelä, Rattosjärvelä, Raanujärvelä, Ratasjärvelä… No pelathin met seku (vaikea suomentaa, vaikka huvin ja urheilun vuoksi) lentopalloaki välhiin.

Itte mie olen Korpijärveltä, sielä ei muita asunukhaan ko minun perhe. Ala-astheen mie ehin käyä Ruuhijärvelä ennen ko se lakkautethin. Usotsie että joskus oli kuustoistaki kyläkoulua kunnassa ko nytten niitä on kaks. No Pellon keskustasta löytyy peruskoulu ja lukio, eihän sinne ollu meän perältä ko kuusketä kilsaa. Ei se mulle ollu poka mikhään, mutta mie olinki jo yläasteikänen.

 

Net jokka ei jää Pelhoon alkoholisoituhmaan nuuska huulessa vaan lähtevät muuale niin eivät tohi kertoa mistä ovat poies (kotosin) ko eivät jaksa kuunnella niitä peltovitsejä eivätkä praataa murtheelansa ko eivät jaksa kuunnella muitten pelhoshönkhöthykshiä. Itteltäki jääny moni sana poies ko ei niitä kukhaan täälä etelässä ymmärä, mikä on minusta hassua ko emmie ees puhu niin pahasti ko nuot oikeat meänkieliset, joita en ymmärä itekhän.

Häätyy (täytyy) lopuksi vasitenki (varta vasten) sanoa, että mie olen Pellosta (en Pelhosta) mutta matkustan kyllä Pelhoon aina pari kertaa vuessa ko rahat junaliphuun riittää.

Roosa Kämäräinen

Paska kotiseutu -juttusarjassa eri paikkakunnilta tulevat opiskelijat haukkuvat kotikuntansa omalla murteellaan.

  1. Sami Saukkoriipi

    Älä sie poika hättäile. Kyllä meitä löytyy etelämpääki. Mie opettajana koulussa Espoossa, jossa meitä töissä kolme Pellon jullia. Hoota ei säästelä ko sillon, jos pelottaa, ettei ruottin kielioppi muuten mene perile.

    Espoon kairoilta,
    Sami

    Ilmoita asiattomasta kommentista

  2. Jutta Kultima

    On se vain soma ko nuori tyär nuin komeasti kirjottaa! Eikä aivan kuka tahansa tyär ko ensimäinen serkku!

    Ilmoita asiattomasta kommentista

  3. Eero Ylitalo

    Kyllä ne vain hyvin ymmärtävä täälä keskisuomessaki tätä jokivarren murretta. Sunkhaan sitä kannata hävetä. Jokhaisellahan meilä on oma murre. Soon yhtä luonolista ko äitinkieli. Soon nykyhään vain semmonen malli ette kaikitten pitäs muka puhua ko helsinkiläiset. Soon kyllä vahinko jos murtheet katoaa. Joskus ko kuule oikein vaikka savolaista niin johan sitä tullee hyäle pääle tämmönen virkamieski. Puhumattakhaan sitte ko kuulee sitä oman perän murretta.

    Ilmoita asiattomasta kommentista

  4. Sami Saari

    Oikhein soma kirjotus, murthet on rikkautta. Ite oon murthen suhthen aikas sekasikiö, äiti ko on Saukoskelta ja isä Muoniosta, murre on osa minua.

    Ilmoita asiattomasta kommentista

Vastaa

Sähköpostiosoitettasi ei julkaista.